「香氣誘惑」藝術裝置 首展Art Central

要聞版 04:00 2016/03/10

分享:

三月尾就係新一屆Art Central(中心藝術博覽會),大家參加呢場藝壇盛事,有個小貼士,去到Art Central 2016的入口,記得放慢腳步,深呼吸一下。點解咁講?皆因公關姊妹話,行到入口大家會聞到陣陣香氣,香氣會帶你去到一件水晶裝置藝術前面。

呢件隨聲音舞動嘅作品,就係英籍華裔設計師吳燕玲,以食蟲植物茅膏菜(Sundew)做靈感而設計。要捕捉昆蟲,茅膏菜本身會發出香味吸引獵物,《Sundew》作品特別之處,就係模擬茅膏菜嘅氣味,等大家好似置身其中。

據黛安了解,舊年四月,吳燕玲獲得2015年度施華洛世奇未來設計師大獎,表揚伊人積極嘗試以尖端科技擴展設計文化的嘅努力。吳燕玲亦係「The Fabrick Lab」創辦人,專門為紡織設計提供顧問工作,本身善於將不同物料結合紡織品。今次作品就係佢到訪施華洛世奇(Swarovski)奧地利華登斯總部後得到啟發,利用水晶作為原材料,製作出新物料、質感和表層。伊人都話,「作品中結合手工藝同科技,探索水晶更多可能性,效果令人振奮。」

本文轉載自《晴報

英籍華裔設計師吳燕玲

《心之偵探》即日起至周日在高山劇場上演。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版