協青社搞街舞劇 幫邊青做Hero

要聞版 04:00 2017/02/16

分享:

分享:

自從幾年前在時任「築福香港」工作小組主席Leonie(紀文鳳)介紹下,參與過震動人心嘅「狂舞派對」,黛安對協青社嘅服務留下深刻印象。噚日黛安又去咗協青社捧場,話說佢哋旗下「嘻哈學校」,一向用街舞做介入點,幫青年搵人生方向,嚟緊4月2號仲會表演街舞劇《東•南•西•北•中!》,大會昨日搵咗幾位「好跳得」嘅年輕人宣傳,精采舞步睇到大家熱血沸騰。據講到時協青社榮譽顧問劉鳴煒客串露兩手,認真期待。

劉鳴煒客串露兩手

噚日會上,黛安重遇於狂舞派對活動有一面之緣嘅阿齊,佢依家係協青社街舞劇編劇及導演,但其實多年前曾誤入歧途,中三輟學一度加入黑社會,機緣巧合下去協青社跳街舞,跳足13年。佢話:「學校老師睇死我讀唔到書就無前途,但跳舞畀到我滿足感!」後在朋友介紹下,佢去咗24小時開放、俗稱「蒲吧」嘅協青社做嘢兼跳舞,阿齊之後喺「嘻哈學校」擔任舞蹈教師至今,用身教幫迷途青年藉跳舞搵人生方向!佢3年前仲去到美國舞蹈學校進修,參加比賽攞獎。能夠搵到自己的舞台發熱發光,黛安真心替佢高興。

正如Leonie講,每個青少年都係hero、superstar,只係需要有人喺背後推動,黛安亦深感認同。呢班年輕人4月演出後,5月將會喺亞洲中學生校際嘻哈大賽中選拔學生,為港爭取青奧入場券。黛安喺呢度預祝佢哋Good Show!

本文轉載自《晴報

嘻哈學校的年輕人舞技精湛,令人大開眼界。(冼偉倫攝)

向來為善不甘後人的紀文鳳,是協青社的執委。(冼偉倫攝)

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版