《有樓萬事足》監製編導專訪

副刊版 2017/02/21

分享:

繼「射精」後又來「高潮」,節目的金句愈來愈三級,難怪網民對《盛女愛作戰》、《求愛大作戰》、《沒女大翻身》、《沒有起跑線?》的編導岑應,今年又製作《有樓萬事足》,未睇已「鬧定先」,但通常愈鬧愈要睇。「我製作這節目,咪就係因為自己買唔到樓,心理極度不平衡想發洩囉。其實由盛女、沒女、怪獸家長到講買樓好難,這些都是我經歷的人生階後,又是朋友間的熱門話題,夠晒貼身又貼地,觀眾一定有共鳴。節目有好多元化的cases,事實是香港人追唔到癲價樓市,要愈住愈平或愈住愈細,甚至要住工廈、貨櫃,都是想藉冷嘲熱諷來展現香港人的悲情、困局。」

岑應指在節目出鏡的幾十個素人被訪者,大多是早前在自己fb招募回來,也有朋友介紹,例如物業投資顧問Anthony及King Sir便推薦了Inky及於第2集現身的Macy,她更「睇好」這位「105%姐」會繼Seasun之後成為眾矢之的。「Seasun一啲都唔介意外界的負評,完全覺得自己咁諗係冇問題,只不過係大家唔敢講出來之嘛;『105%姐』甚至覺得自己好勵志㗎。」

對於外界認為Seasun言論如此出位,因為是「照稿讀」,《有樓萬事足》監製張志明與岑應異口同聲否認,他解釋:「如果真係有script,咁個個(被訪者)都有金句爆啦,我們也不用籌備半年咁耐啦!節目用真人show方式拍咗幾個月,日日用攝影機對住被訪者,她們便會很自然流露地講出心底話。」

張志明續指:「做真人show一定唔會搵平凡人,平凡人有咩好睇呢?梗要有一啲 point才會做,然後如實報道。Seasun點樣拜金都好,其實都好正常,社會總有這一類人,但我也會擔心觀眾會被她影響了而對節目有誤解。」他與岑應都想節目夠open讓觀眾有所反思:「香港買層樓真係好難,現象是好多人用盡不同方法去買樓,好古靈精怪,價值觀又好扭曲。有人會因為點都買唔起樓,寧願玩晒就算,去旅行、見識世界;有人會由買細屋開始,樓換樓,一世做樓奴,大家想法唔同,無分對錯。或者可以學巴黎的人住在城市外圍,日日坐高鐵返回市中心工作,都是搵個平衡點。」

張志明(左)與岑應。

撰文 : 單志民
鄺素媚

緊貼財經時事新聞分析,讚好hket Facebook 專版