賞和風紫籐花海 學「卡娃兒」日式手作

要聞版 04:00 2017/06/02

分享:

講起日本,好多文青都心花怒放。無假期去朝聖?唔怕!黛安八到最近MCP新都城特登喺天幕廣場搭咗紫籐花海,展期到本月4日,去打卡都算望梅止渴吖。同場有和風市集,由人氣雜貨市集「Creema」請來七大人氣日本設計師港,同十幾個本地手作單位交流獻技,而且唔止有得睇,有得買,仲有得學!

黛安就睇中咗和風細工花髮飾手作坊,只要消費滿380蚊,同兩張不同商戶的電子發票,就可以免費換張入場證學啦;有時間仲可以學埋點整七彩羊毛氈球吊飾,由頭到尾都咁「卡娃兒」啦。

另外,由本月10日至18日,去新都城慶祝父親節都有着數。消費滿1,200蚊即送元氣壽司25蚊現金券;2,500蚊以上就送GigaSports100蚊現金卷;滿4,000蚊仲送1枝西班牙紅酒。去官方fb分享一件同老竇做過最勁嘅事,有機會免費拎到價值800蚊的bauhaus背包,各位孝順仔女識做啦!

本文轉載自《晴報

大家除了可以賞花,更可以參與7位人氣手作設計師的工作坊。

今次都係「Creema」首度來港擺市集,無論係衫、飾物同日用品都有得買,購物狂一定滿足度一百分。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版