小母牛慈善跑 1700人參與助籌款

要聞版 04:00 2017/11/13

分享:

雖然內地經濟起飛,但其實仲有唔少貧困農民要幫助。小母牛就靠捐贈牲口同協助提升飼養技術等,幫助內地農村家庭自力更生,噚日佢哋舉辦咗一年一度嘅「競跑助人」活動,超過1,700個善心人參與幫佢哋籌款,連發展局局長黃偉綸、本港游泳運動員江忞懿、仲有內地前奧運體操金牌得主同小母牛長期支持者李寧同李小鵬都有出席啊!

黛安聽公關朋友講,活動有3公里愛心跑、1公里x5團體接力賽等,仲設有小母牛聯盟團隊造型獎,唔少參賽者都落足心機打扮!賽事完咗之後,仲有小母牛x MAMASMART市集,畀跑手同家人一齊參與手作工作坊同欣賞才藝表演,溫馨又別具意義。

小母牛主席梁錦松就話,小母牛至今已扶助咗13萬個內地農村家庭自力更生,但要做到真正「無窮」就仲有漫漫長路,希望大家繼續支持!

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版