告別棟篤笑 黃子華金句回顧

副刊版 2018/07/11

分享:

黃子華2018年棟篤笑,亦是子華神最後一次棟篤笑的《金盆𠺘口》,上星期五(7月6日)終於開騷,這可能是大家最後一次向黃子華大叫「除褲」、「回水」的機會。而黃子華原計劃今次棟篤笑《金盆𠺘口》開17場,卻因一票難求,「唔休息都要加場」的子華神終極加場至26場。

趁黃子華2018年棟篤笑《金盆𠺘口》正在開騷,就跟大家回顧子華神的棟篤笑如何笑盡人生百態。

---------------------------------

愛情篇

「情侶好與壞,在乎溝通與關懷。」

「戀愛係一盤生意,你要24小時諗住佢。」

「呢個世界上有100分嘅男仔,仲有100分嘅女仔,但就係無100分嘅伴侶。」

---------------------------------

女人篇

「靚就唔洗扮,扮就唔慌靚。」

「大家都知,女人撞衫,仲大件事過撞車。」

「咩叫化粧啊,你落咗粧我都認得你就叫化粧,你落咗我唔認得你就叫喬裝。」

---------------------------------

男人篇

「男人會問:『你愛兄弟定愛老婆?』咁我會答:『兄弟嘅老婆』。」

「基本上男人係做到三個不,不主動,不抗拒,最重要我哋係不負責嘅。」

「豬扒令到我哋啲男人好唔安樂,但卻令到你哋啲女人好快樂。」

「我第一次戀愛之前,我嘅小龍女只需要一個條件,就係靚,我知我咁樣諗好膚淺。但係嗰陣時我仲細,唔知道原來身材都好重要㗎。」

---------------------------------

人生哲理篇

「人生三大矛盾:搵食啫!犯法啊?我想㗎?」

「錯就要認,要對方認!」

「做男人要有3個C,Car、Cash、Credit Card。我會話:『好巴閉咩?我夠有3個C啦,Cheap、Cheaper、Cheaperper!』」

---------------------------------

職場篇

「我覺得講得出『我好鍾意返工』呢句說話嘅人,一定係鬼上身。」

「老闆真是很天真的人,他不明白我們這些做員工的人,外表就像一個成年人,但其實同無做功課的小學生心態一模一樣,每日最希望就是明天打風。」

「在一個員工的心目中,工資與表現應該脫鈎。無表現,照出糧;有表現,要出4糧至8糧,愈多愈好,那麼公司會執笠?唔緊要,攞賠償。」

黃子華告別棟篤笑《金盆𠺘口》上星期五開騷。(陳偉能攝)

最後一次棟篤笑,這次子華神會為大家留下怎樣的金句?(陳偉能攝)

每次演出都傾盡全力。(經濟日報資料庫)

香港棟篤笑始祖黃子華,曾在台上留下不少警世金句。(經濟日報資料庫)

黃子華在棟篤笑上經常「露兩手」,在這次的告別棟篤笑清唱時在台上更感觸落淚。(陳偉能攝)

撰文 : 李秀媛

緊貼財經時事新聞分析,讚好hket Facebook 專版