利園三期開幕 主打生活品味環保設計

行政人員版 04:00 2018/11/14

分享:

希慎興業旗下嘅利園三期,噚日正式開幕,利氏家族四代同堂出席開幕禮,齊齊力撑家族嘅新里程碑。連久未露面嘅利孝和夫人都有出席,93歲高齡依然精神奕奕同黛安打招呼,黛安都覺得好開心呀!

希慎主席利蘊蓮致辭話,利氏家族喺95年前買咗利園山土地,發展做而家嘅利園區,今年利園三期落成係發展嘅最新里程碑,希望可以提供更多豐富嘅品味生活體驗畀大家。

今次利園三期引入咗超過20間以生活品味做主題嘅舖頭,好似首度來港開業嘅Next Door Café & Bar家具概念店、東京表參道嘅人氣梳乎厘班戟店幸せのパンケーキ(A Happy Pancake)同丹麥設計名牌BoConcept等,包保大家行街街都夠晒國際化。新建築都好重視環保設計,包括用天然採光、垂直草牆同綠化天台花園,令客人分分秒秒都感受到大自然,兼附設高速Wi-Fi系統,最啱新世代文青消磨時間啦。

本文轉載自《晴報

希慎興業旗下的利園三期,昨日正式開幕,利氏家族四代同堂出席開幕禮。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版