口感豐富辛辣 透出濃鬱果香 歎2015年「敖雲」紅酒

行政人員版 04:00 2019/03/22

分享:

昨日係「春分」,黛安獲公關大哥Samson嘅邀請,出席全球首個喺喜馬拉雅山釀酒嘅品牌—敖雲,推出2015年年份紅酒嘅品酒會。

敖雲自​​2013年推出第一支紅酒後,就贏得一片掌聲。昨日嘅品酒會,亦十分有新意,就係一次過品嘗2013、2014和2015年份嘅紅酒,可以細味三支不同年份紅酒特色和韻味。

聽敖雲酒莊經理及釀酒師Maxence Dulou講,團隊經歷4年,終於喺2012年於雲南偏遠地方,近梅里雪山湄公河沿岸,海拔2,600米嘅高地,釀製出紅酒;而取名「敖雲」,意思就係「翱翔雲際之上」。

呢個葡萄園因為佢獨特嘅土壤特性和日光照射,對赤霞珠葡萄生長特別好,難怪生產出咁豐富、同咁獨特風格嘅葡萄啦。

聽Maxence講,2015年較暖同乾燥,葡萄酒嘅味道豐富辛辣,既有寒冷嘅爐烤味(Chime nea)和東印度麥索爾檀香、佐法爾的香氣和新鮮壓碎的成熟草莓,聽到都覺得真厲害!

品酒,黛安係外行,但都聞到濃鬱果香;《晴報》專欄作家查小欣(小欣姐)就最愛香檳,噚日大會就安排咗Dom 2008伴頭盤,小欣姐就非常開心。佢話2013和2014年就比較成熟一點;紅酒界教父級嘅劉校長劉致新,就以「嬌」去形容2015年嘅敖雲,佢哋果然係專家,令黛安都學到唔少。

Maxence佢哋仲同名牌酒杯製造商Riedel合作,為敖雲生產一個專用酒杯,黛安試用兩隻唔同酒杯飲2015年嘅敖雲,果然韻味都好唔同。

有興趣想試呢隻酒嘅,可以係4月8日至5月31日,去北京道1號的胡同餐廳,期間會推出敖雲2015年份酒配對餐單,呢個年份嘅紅酒係全球限量推出,唔好錯過呀!

本文轉載自《晴報

昨日酒界盛事,好多業內名人,包括Peter Kong(左1)、Ronny Lau(右2)、Nelson Chow(右1)和查小欣(中)等,以Dom 2008祝賀敖雲2015面世。

呢一支就係劉致新校長用「嬌」字形容嘅2015敖雲。

昨日喺Ritz Carlton天龍軒食嘅一道菜,用雲南宣威火腿粒同蘿蔔蓉做汁,配明蝦,加埋黑松露汁,大家讚不絕口。

Maxence Dulou

敖雲同名牌酒杯製造商Riedel合作設計專用酒杯。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版