反斗奇兵現身港鐵 換限量版車票萬年曆

行政人員版 04:00 2019/06/21

分享:

胡迪、巴斯光年同其他「反斗奇兵」成員,今個暑假將現身港鐵紀念車票!黛安聽公關姊妹講,港鐵喺下個月14號起一連4星期,會推出胡迪、翠絲同牧羊女寶貝、巴斯光年、三眼仔合共4款限量版「反斗奇兵」紀念車票套裝,並分別以「車廂巧遇篇」、「結伴同遊篇」、「整裝待發篇」同「驚喜現身篇」做主題。

今次嘅紀念車票套裝,每款售150元,包括一張紀念車票、一個精美票套同一款指定款式嘅遙控車。另仲有限量版胡迪同牧羊女寶貝萬年曆,一樣喺嗰日同步發售,每套售價95元,集齊各款紀念車票套裝同萬年曆,就可以帶埋「反斗奇兵」一齊遊車河!

姊妹提醒,所有紀念車票套裝同限量版萬年曆,可以喺各港鐵客務中心買到,每位顧客每次限購每款最多2套。每張紀念車票只可以供持票人,喺9月15日或以前搭一程港鐵,用完車票之後就可以留作紀念。如果車票失效,可以喺9月15日或以前於港鐵客務中心更換,機場快綫、香港西九龍、輕鐵、羅湖同落馬洲站除外。數量有限,大家要mark低日子啦!

本文轉載自《晴報

所有紀念車票套裝同限量版萬年曆,可以喺各港鐵客務中心買到,每位顧客每次限購每款最多2套。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版