7-Eleven一連3周換獨家精品 反斗奇兵同你玩轉暑假

行政人員版 04:00 2019/06/25

分享:

反斗奇兵又返嚟喇!作為陪住好多香港人一齊成長嘅「玩具」,除咗今個暑假要入戲院捧場睇《反斗奇兵4》電影外,記得要去7-Eleven換獨家迪士尼反斗奇兵精品,盡一個粉絲應有義務。

黛安知道,今次可換購精品有齊胡迪、巴斯光年、三眼仔、勞蘇、牧羊女「寶貝」呢啲經典角色,仲有全新加入嘅「小叉」可以換購。7-Eleven姊妹教路,明日(26日)開始一連3星期,每星期會推出兩款精品畀大家換購,喺7月23日前購物每滿20元,就可用換購價買到心頭好了。

率先登場嘅精品有「反斗奇兵公仔連環保袋」同「夾公仔機」兩款。每個環保袋都印咗反斗奇兵角色,仲配有1個公仔攬住個袋,可愛到爆晒燈,而且環保袋夠晒大,用嚟放平板電腦、A4文件夾都得,換購價只係99元。

至於夾公仔機就更加創意滿分,除咗用上三眼仔做主題,仲可以入銀仔夾公仔,啱晒粉絲「練習」成為夾公仔達人,換購價只係加299元;如果咁啱遇到缺貨,仲可以喺下個月7日前訂貨。

去到第二星期,7-Eleven仲有得換反斗奇兵趣味小盆栽同陶瓷杯,又有連鏡嘅移動電源,等大家可以go green之餘,身心同手機都可隨時叉足電。至於第三波換購精品就有反斗奇兵水壺連杯套裝,同埋上班族、學生必備嘅座枱鬧鐘,朝朝起身見到胡迪,自然精神過人啦。

本文轉載自《晴報

三眼仔夾公仔機︰26/6-23/7(換購價$299)

移動電源連鏡︰3/7-23/7(換購價$99)

趣味小盆栽及陶瓷杯︰3/7-23/7(換購價$169)

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版