滿福樓推創新口味 斑蘭蛋黃月餅登場

行政人員版 04:00 2019/07/10

分享:

一年容易又中秋,中秋節嘅重要節目,梗係唔少得食月餅啦!黛安知道,名店滿福樓最近新推出咗創新口味嘅「迷你斑蘭蛋黃月餅」,畀你細味陣陣斑蘭清甜香氣,夾埋油潤鹹蛋黃呢個咁新鮮絕妙嘅配搭,創新又滋味。

除此之外,滿福樓仲有風味獨特嘅「迷你貓山王榴槤月餅」,首次採用來自馬來西亞嘅上乘「貓山王」,香味升級,當中甘香濃郁得嚟又軟綿綿嘅口感,再配上香酥牛油皮,真係齒頰「榴」香!而且限量供應300盒咋,榴槤迷真係要快啲搶購喇!如果想食傳統口味嘅月餅,當然唔少得「迷你蛋黃白蓮蓉月餅」。

姊妹同黛安講,由即日起至下個月18號前,訂購滿一定數量月餅仲可享低至65折優惠,記住唔好錯過喇。

本文轉載自《晴報

迷你斑蘭蛋黃月餅

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版