沿途設特色美食精采表演 全城街馬首次跑入東隧

行政人員版 04:00 2019/10/23

分享:

跑步有益身心,「全城街馬」一直都係推廣以跑步改變生命,黛安知道,明年1月12日舉行嘅「黃道益活絡油香港街馬2020」,除咗有全港首次穿越東隧32.195公里嘅路綫,仲有以集「食玩跑」特色及最強十卜嘅10公里賽事。

黛安聽公關姊妹講,今屆有唔同嘅跑會,好似毅行教室、猛龍長跑隊、Running Man Athletic Club、The Peak Hunter,將聚首一堂,由跑手換個角色同大家打打氣。而且沿途更有特色美食,以及唔同表演團體,好似香港展能藝術會,為跑手送上精采表演。

而黃道益活絡油就會喺終點區設置按摩紓緩站,跑手跑到咁攰,都可以去消痠解痛,非常貼心啊,唔少得嘅當然係香港聖約翰救護機構提供全面急救支援服務啦。

「全城街馬」行政總裁及聯合創辦人梁百行就同黛安講,作為活動「搞手」,永遠都有活動會取消嘅心理準備,不過佢唔會過分擔心,亦無打算限制跑手嘅打扮。得閒跑步出一身汗其實好開心,大家都可以多啲約朋友做運動啦,依家32.195公里同10公里賽事都接受公眾報名喇,有興趣可以去http://streetathon.com/tc/報名啊。

本文轉載自《晴報

「全城10K」行動包括一年一度嘅「黃道益活絡油香港街馬2020」慈善跑、以青少年發展為目標的Youth.ROC及Youth.ONE;及輕鬆體驗跑步樂趣的「區區跑1K」。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版