善用科技推動減碳 港燈獲可持續發展獎

行政人員版 04:00 2019/11/13

分享:

大企業具新思維同持續創新好重要,黛安知道,港燈剛榮獲香港管理專業協會頒發2018/19年「香港可持續發展獎」及「最具創意獎」,表揚致力實踐可持續發展嘅營運模式,佢哋仲不斷透過創新思維同科技應用提升公司表現,絕對實至名歸!

港燈董事總經理尹志田當日出席頒獎禮,佢話管理層知道創新係提升公司業務表現嘅關鍵,所以近年非常重視,大力推動廣泛應用科技,提升營運效率,計劃係2025年或之前,幫所有客戶安裝智能電錶,邁向智慧城市。而新天然氣發電機組L10亦喺上月剛正式併網,標誌住推行「煤轉氣」嘅發電模式向前邁進一大步。隨住多台新嘅燃氣發電機組喺未來數年陸續投產,預計喺2023年,天然氣發電會佔港燈總發電量約70%,絕對碳排放量預計較2005年減少40%以上。

另外,港燈亦大力推動大數據和人工智能,利用無人機和機械人技術嚟優化業務運作,鼓勵員工分享和自行開發應用程式或技術,簡化日常工作流程。單喺短短1年內,港燈新開發或新推出嘅手機應用程式就達40多個,認真唔簡單。

本文轉載自《晴報

港燈董事總經理尹志田對拎獎感到鼓舞!

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版