《獅子王》香港站 加開8場過歡樂聖誕

行政人員版 04:00 2019/11/14

分享:

《獅子王》唔單止係唔少人由細睇到大嘅迪士尼動畫之一,仲係國際級著名音樂劇劇目!黛安知道,由點子娛樂同迪士尼共同呈獻嘅國際巡演《獅子王》香港站,將於下月18日開始出演,因應大眾反應熱烈,最新宣布加開多8場去到31場啊!

唔講唔知,《獅子王》音樂劇國際巡演由舊年3月展開以來,先後到過馬尼拉、新加坡、南韓多地,屢破票房紀錄,至今全球已有1億位觀眾感受過當中魅力!今次嚟到香港,距離12月18日公演日期尚餘6個星期,但一班《獅子王》的頂尖團隊早已準備就緒。

公關姊妹透露,表演將會用特別設置嘅「劇場形式」進行,以英語演出,並輔以中文字幕,同一眾粉絲齊齊過聖誕同跨年!巡演嘅票價由港幣399起,即日起公開發售,仲會另外提供特別VIP同企業款待禮遇套票,記得搶飛呀!

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版