翠雅山房推住宿優惠 友善客房同愛寵度假

行政人員版 04:00 2019/11/18

分享:

想同愛寵度假,黛安有好地方介紹。聽公關姊妹講,饒宗頤文化館內嘅「文化旅館‧翠雅山房」推出「寵物友善客房」及「寵物住宿派對」。只要入住翠雅山房嘅「寵物友善客房」,就可以喺園區內,盡情同愛寵舒展玩樂。大家仲可以借用寵物床墊、寵物廁所板、水碗及糧碗,而憑「寵物入住通行証」隨時隨地可帶同寶貝寵物於園區內嘅露天茶座或指定區域用餐,邊品嘗美味佳餚,邊享受美景。預訂一晚寵物友善客房「雅致套房」每晚都係1,698元,仲可獲贈「寵物浴袍」;而預訂「標準客房」每晚都係998元,亦可喺酒店接待處前台選購浴袍㗎。

如果你嘅寵物小寶貝係超級活躍好動,咁你可以選擇一間寬敞嘅派對室,凡預訂3間一晚寵物友善客房,就可以用半價500元租用派對室,如果預訂滿5間一晚寵物友善客房,更可以免費享用派對室,想同愛寵一齊充充電歎番下就唔好錯過喇。

本文轉載自《晴報

饒宗頤文化館及翠雅山房坐擁約3千呎嘅園林式大型歷史建築群,環境清幽,快啲同愛寵去度假喇。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版