中電鼓勵創新節能 嘉許推動環保企業

行政人員版 04:00 2019/12/05

分享:

環保節能係大勢所趨,黛安聽公關姊妹講,中華電力有限公司噚日舉辦咗第二屆「創新節能企業大獎」頒獎禮,今年評審團就喺350多個參賽單位中,揀咗35間節能表現突出嘅獲獎機構。大獎設有「節能方案」、「高峰用電管理」、「可再生能源」及「智能技術」四大範疇,分「企業/政府部門」及「中小企/非牟利機構/學校」兩大組別。

好似小蠔灣嘅渠務署污水處理廠,就安裝咗太陽能發電系統,預計每年發電量可達110萬度電。呢個系統今年加設智能監控裝置,係應用可再生能源嘅良好示範,所以獲頒「企業/政府部門」組別嘅「可再生能源卓越大獎」。中華電力總裁蔣東強話,見到唔同界別及營運規模嘅企業及機構,努力推動環保節能措施,令人鼓舞。

本文轉載自《晴報

同場仲頒發「可再生能源貢獻大獎」予5間企業及機構,表揚佢哋支持本地可再生能源發展。中華電力總裁蔣東強(左4)話,見到唔同界別及營運規模嘅企業及機構,努力推動環保節能措施,令人鼓舞。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版