CHAT六廠辦展覽 探討紡織品未來機遇

行政人員版 04:00 2019/12/06

分享:

集文化及藝術於一身,更加係文青遊走的好去處,黛安講緊嘅就係CHAT六廠(六廠紡織文化藝術館)。唔單只咁,CHAT六廠喺今個星期六同星期日(7及8日),仲會舉行主題為「紡織步調︰遊走於工場與展場之間」第四屆研討會,今年論壇同CHAT嘅季節性展覽「須藤玲子︰"布"之作業」相輔相成,探討展覽籌備期間所遇到的問題。

黛安知道,為期兩天嘅研討會將會喺南豐紗廠4樓南豐作坊中庭舉行,闡述與頌揚紡織品嘅「情境轉移」,包括從紡織品單純功能性到成為學術、展覽和收藏界嘅概念。研討會邀請咗17位來自不同領域講者及主持人,包括策展、民族誌及時裝等範疇,探討紡織品在不同情境下所衍生方法和意義。其中一日研討會,就係由著名紡織設計師須藤玲子與展覽藝術總監齋藤精一作開場對話,展示及分享佢哋共同為「須藤玲子︰"布"之作業」嘅概念及內容。咁多著名講者濟濟一堂,有興趣嘅朋友一定唔好錯過啦。

本文轉載自《晴報

兩日研討會每日有180個免費名額,需預先登記,大家記得快啲報名啦。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版