教大體院合拍短片 精英運動員助你健體抗病

行政人員版 04:00 2020/02/13

分享:

為咗減少感染疫症嘅機會,最近大家都少咗出街。黛安聽聞香港教育大學健康與體育學系同香港學校體育學會合作,請咗10位就讀教大嘅精英運動員同畢業生拍攝短片,鼓勵市民喺屋企做啲簡易運動,增強抵抗力對抗疾病。

其中曾奪得三屆亞運金牌嘅單車好手黃金寶,就同4歲嘅囝囝卓謙表演「兒歌活力操」;幾年前喺教大畢業嘅前世界單車冠軍郭灝霆就搵咗愛犬「客串」,示範家居運動;其他參加拍攝短片嘅仲有正喺新西蘭受訓嘅游泳好手施幸余、「體操王子」石偉雄等。

教大健康與體育學系主任馬慧頴博士話,做運動其實唔一定要去運動場,睇下呢班精英運動員嘅「貼地」示範,喺屋企都可以做到簡單伸展同柔軟體操,多做運動仲可以增強抵抗力呀。

本文轉載自《晴報

教大仲製作了一套兒童健康立體書,希望在病疫肆虐期間,提升學童的衞生防護意識。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版