新滋味期間限定登場 麥當勞歎「福岡の莓」新地

行政人員版 04:00 2020/02/17

分享:

黛安係「草莓控」,最近收到風,麥當勞會推出期間限定「福岡の莓」系列,今日(17日)開始有得食喇!另一個好消息,就係同日起,麥當勞醒晨早餐指定「扭扭粉」系列亦會全日發售,唔使再早起都食到。

麥當勞嚴選嚟自日本福岡縣嘅草莓,搭配朱古力脆皮打造香濃幼滑新地;鍾意每啖都係草莓香味嘅朋友可以揀草莓新地筒;想加倍升級滋味,就可揀雙重草莓新地,順滑嘅草莓新地上面撒滿花生粒,加埋草莓醬,真係好吸引。而草莓新地大窩夫筒上,加埋可愛草莓造型迷你曲奇,賣相一流。朱古力迷仲可以揀搭配朱古力脆皮,一次過歎盡雙重甜蜜滋味!

另外,麥當勞醒晨早餐指定「扭扭粉」系列套餐,今日起亦會全日發售,指定「扭扭粉」系列套餐包括「沙嗲牛肉扭扭粉」、「豬柳蛋扭扭粉」及「板燒雞腿扭扭粉」。彈牙嘅扭扭粉配上鮮甜原味雞湯,現凡購買扭扭粉系列套餐,更可以加3元升級加配美國A級大蛋,營養、美味同時兼得。不過呢個「全日通粉」只係由今日(17日)起,凌晨4時至晚上11時59分供應,大家要留意喇。

本文轉載自《晴報

麥當勞期間限定「福岡の莓」系列返咗嚟啦,大家唔好錯過。

麥當勞期間限定「福岡の莓」系列返咗嚟啦,大家唔好錯過。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版