青年義工募集口罩助獨居老友記

行政人員版 04:00 2020/02/26

分享:

「愛在疫症蔓延時」﹗近日黛安對呢句說話,感受好深。市面嘅口罩供應仍然緊張,售價亦唔平,好多唔識上網買口罩嘅獨居長者尤感無助。義務工作發展局「4C青年義工領袖計劃」一班年輕義工,即使最近停課,但佢哋仍然繼續行善工作,仲發起口罩募集行動幫助獨居長者,真係好有心。

黛安知道,呢個口罩募集活動已經進行中,募集至今個星期五(28日),有心人可以喺募集日期內,親身或郵遞口罩至義工局香港義工學院(新界荔景祖堯邨祖堯商場1樓),由義工轉贈畀200位住喺祖堯邨嘅60歲或以上獨居長者;募集口罩嘅要求係原盒或獨立包裝(最少BFE 95%或以上),衷心希望大家多多支持,喺艱難時候發揮互助精神。

本文轉載自《晴報

義工局收集到嘅口罩會送贈予祖堯邨獨居長者(從未獲社區轉贈口罩者優先),期望市民與弱勢社群共度時艱。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版