OK汁韓式辣雞翼

副刊版 2020/03/02

分享:

煲劇應該是大家近來的主要娛樂節目,難怪韓劇《愛的迫降》近期成大熱,雖然劇情有點牽強,不過有靚仔玄彬,又有女神孫藝珍,劇情已經不太重要了。我的女性朋友一提起男主角玄彬,都會情不自禁展露出像初戀中的甜蜜笑容。唉,香港男士們麻煩加油啊,跟我煮這個韓式辣雞翼,一齊冧冧女朋友或者老婆啦!

今次會用兩種醬來調味,第一種是韓式辣醬,相信大家都不會陌生,第二種應該會比較少用,就是OK汁。它的主要原料有果汁、番茄、甘筍、糖、果酸等,多用於製作甜酸菜式,例如生炒排骨、甜酸蝦碌等,一般超市都可以買到OK汁。

材料:雞中翼8隻、西芹1條、大紅椒半條、蒜蓉2湯匙、即食白芝麻少許。

醃料:麻油1茶匙、胡椒粉及鹽各1/4茶匙。

調味醬汁:韓式辣醬1湯匙、OK汁2湯匙、糖2茶匙、水100ml。

做法:雞中翼落醃料待30分鐘入味,隔夜醃定就更加好,調味醬汁拌勻備用。西芹及大紅椒切片,平底鑊慢火加熱,落油先煎香雞中翼兩邊,然後落蒜蓉炒香,之後加入調味醬汁,煮至開始收汁便可加入西芹及紅椒片,續炒至醬汁收乾便可上碟,最後撒上白芝麻即成。

OK汁韓式辣雞翼(專欄作家提供圖片)

撰文 : 聞西 飲食 Blogger

欄名 : 名食Guide

緊貼財經時事新聞分析,讚好hket Facebook 專版