麥當勞經典「情侶」回歸 全新「玉子雙層將軍漢堡」夠滋味

行政人員版 04:00 2020/03/02

分享:

將軍同玉子又返嚟喇!黛安講緊嘅係麥當勞經典「情侶」將軍同愛人玉子,聽公關姊妹講,佢哋即日起又再重逢,仲會帶來全新加倍愛意嘅「玉子雙層將軍漢堡」,將令人難忘嘅滋味Double Up!

「玉子雙層將軍漢堡」係將嫩滑多汁嘅豬柳Double Up,配搭化身成軟嫩蒸蛋嘅玉子,加上清新檸檬蛋黃醬,真係完美配搭。至於充滿日式味道嘅「將軍漢堡」同「玉子將軍漢堡」今次亦會同時回歸呀。

為咗慶祝將軍同玉子步入另一階段,麥當勞仲特別推出全新大大啖組合「大大杯白提子雜果梳打」,以清甜白提子口味糖漿,配搭粒粒雜果,令人一試難忘。同時配搭人氣爆燈嘅Shake Shake薯條「和風紫菜調味粉」和「美式BBQ蜜糖調味粉」,食落夠晒滋味。

如果姊妹們唔方便出街都唔緊要,因為麥當勞今次會同戶戶送Deliveroo合作,即日起上戶戶送訂購「將軍漢堡系列」即可享7折優惠!戶戶送新用戶輸入埋優惠碼「3MCD20」仲送你3張20元優惠券!咁抵食,大家仲唔立即行動?

本文轉載自《晴報

「玉子雙層將軍漢堡」(右)有雙重豬柳配搭軟嫩蒸蛋(玉子),加上清新檸檬蛋黃醬,係最完美嘅配搭;而「將軍漢堡」就以豬柳沾上日式照燒汁,非常滋味。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版