翔龍灣 兩小時內一賣一買換海景

置業家居 2020/03/14

分享:

【疫市換樓個案】本月初錄得427呎翔龍灣1座中層C室業主,以$770萬賣出單位後,即時以$1,000萬再購入同屋苑552呎的3座高層D室。

據悉,上述翔龍灣換樓客放盤近大半年,最早於去年年中開價$880萬,一直一邊放賣單位,一邊搵盤睇樓,目標一直想換翔龍灣全海景高層3房單位,故堅持一賣一買同步進行,所以放盤中段試過封盤兩三次。例如去年10月時試過,有買家出票$830萬欲承接單位,但由於換樓客當時未搵到合心水單位,因此暫時封盤。

恰巧是次有客還價至$770萬,而碰巧已移民的3座高層D室業主,擔心港樓價跌勢加劇,欲急讓套現,叫價由$1,100萬減價至$1,000萬,換樓客見心水單位肯減價,遂睇樓一次後,隨即同步一買一賣。

換樓客先要求翔龍灣1座中層C室新買家簽約出票,自己於同日隨即買入3座高層D室,簽約付訂,完成手續後再簽回賣出的1座單位合約及收訂,前後兩小時內完成所有買賣合約。雖然換樓客賣平單位$60萬,但因為新買單位肯減價「一球」,因此亦沒有後悔之前封盤。

作者:曾業俊

責任編輯:阮詠儀

欄名 : 樓市熱話

緊貼財經時事新聞分析,讚好hket Facebook 專版