平賣平買 業主趁疫市換樓

置業家居 2020/03/14

分享:

新冠肺炎持續擴散,然而本港樓市仍受用家支持,承接力持續,不少上車客趁價跌入市之餘,亦有換樓客肯平賣平買,於疫市期間短時間內賣樓換貨。

即使最近有大型新盤推售,搶走市場目光,但二手市場仍不乏捧場客。卓天置業營業董事楊伯強表示,3月截至10日土瓜灣區已錄得約15宗買賣成交,對比上月同期只得4宗,升近3倍;睇樓量亦按月同期多50%。他續指,上周六、日大約有20組客睇樓,亦有排隊情況,翔龍灣及傲雲峰更曾試過一個單位同時有三至四枱客睇樓,一個鎖匙盤平均每日都超過15枱客睇樓。

除了上車客,換樓客亦成為市場主要「戰力」。楊伯強指,近期區內買家之中,有半數為換樓客,一般睇中的單位若肯減價,自己的放盤亦相對肯減價,亦不會心急追價入市,主要考慮市場有沒有自己想換的單位放盤。參考近期成交,一般換樓客會還價1至3%。

屯門區睇樓量升 交投倍增

新界上車區亦為換樓客「平平地」之選。祥益地產分行經理黃文樂表示,3月截至10日,屯門主要屋苑暫錄約63宗成交,對比2月同期倍增。睇樓情況亦明顯好轉,轉趨熱鬧,大型屋苑最受歡迎,甚至會同場多人睇樓。而一個鎖匙盤,一日內甚至可多達十多組客睇樓,近期睇樓量對比2月同期激增4成。

至於換樓客就比較「易話為」。黃文樂指,現時區內換樓客賣出自己單位後,因為已有一定資金在手,亦會想快點再買樓,故只要放盤價較兩年前高位回落1成,已獲大部分換樓客接受,睇樓時亦不會大幅壓價。

中原地產副區域營業經理王勤學表示,3月截至10日,元朗市區暫錄66宗買賣成交,是上月同期的2.5倍,並達2月全月成交量109宗的六成。最近周六、日兩日合共錄得超過80組睇樓客,大型屋苑如GRAND YOHO、YOHO MIDTOWN、尚悅、溱柏等,都要排隊睇樓。區內買家以上車客為主,換樓客大約佔當中1成,且通常資金有限,會先賣後買,如自己層樓未賣,一般不會心急入市,議價時還價幅度約3至5%。

美聯物業助理區域經理周永業指,最近筲箕灣區內交投暫時不多,3月截至10日暫錄5宗成交,不過已較上月同期多60%;而睇樓量亦持續上升,按月同期多3成。

作者:曾業俊

責任編輯:阮詠儀

雖然本港經濟前景不明朗,但樓市承接力持續,自住客不惜平買平賣單位換樓。(本刊攝影組)

欄名 : 樓市熱話

緊貼財經時事新聞分析,讚好hket Facebook 專版