晚市扒餐優惠多──Mr. Steak

Mr. Steak旗下5間餐廳，推出林林總總抗疫大優惠，令到本來已經抵食的套餐就更加抵，包括：4人同行，1人免費。5位或以上，不論人數多少，只要其中一位當月生日，可額外免多一位收費。

而晚市套餐，可享用2選1前菜或餐湯，14款主菜中選一道，是日精選甜品及特選飲品，價錢由$118起。主菜可選英國克厘石牧場安格斯肉眼、爐烤諾曼第豬柳扒、芝士龍蝦配特色香料牛扒、煙肉野菌扁意大利麵、香煎三文魚配芝士焗帶子、芝士焗龍蝦配煙熏醬烤豬肋排、燒脆皮德國鹹豬手、法式香草烤羊鞍……更有烤肉盤可以揀，有齊安格斯牛扒、羊鞍扒、燒雞胸和香草雞，滿足晒食肉獸的要求。

如想再豪食一點，可加錢另配套餐以外食物，如加$98有生蠔4隻、加$30可以配餐酒一杯，悉隨尊便，最緊要食得開心盡興。

最難得是分店算就腳，包括太古、葵芳、青衣、九龍灣及坑口，港島新界都有，約朋友會易得多。

﹏﹏﹏﹏﹏﹏﹏﹏﹏﹏﹏﹏﹏

Mr. Steak

地址：太古康山道1-2號康怡廣場北座地下G9-10號舖

電話：2895 1100

營業時間：11:30am-10:30pm

作者：趙景隆

責任編輯：招美寶、李越樺

▲ 有齊羊架、牛扒、雞髀、腸仔如港式雜扒的配搭，實在大滿足。（餐廳提供圖片）

▲ 芝士龍蝦配豬肋排，這樣的配搭十分美味。（餐廳提供圖片）

▲ 其實配個煙肉野菌意大利麵都不錯，用了巴馬臣芝士忌廉汁做，配煙肉及野菌，夠香口。（餐廳提供圖片）