9萬份麥當勞Big Thanks Cards 為醫護「麥麥」打氣

行政人員版 04:00 2020/03/27

分享:

黛安同大家一樣,每日都好留意疫情發展。除咗知道香港麥當勞為咗保障員工同顧客嘅健康和安全,由今個星期三(25日)至下個月7日,呢2個星期所有餐廳下午6時後都唔會提供堂食,只設外賣及麥麥送服務,希望減少社交接觸,支持醫護及市民共同抗疫。

現階段個個都努力抗疫,前綫醫護團隊工作辛勞就係人都知。所以麥當勞都想透過美食表達謝意,為醫護人員「麥麥」打氣!但基於疫情關係,現時無法向醫護人員親手送上美食,麥當勞管理團隊日前特意到訪醫管局,捐贈9萬份價值共約900萬港元嘅「Big Thanks Cards」,向每位前綫醫護人員及後勤同事送上支持,感謝佢哋一直盡心盡力為市民服務。

黛安聽公關姊妹講,為感謝醫護嘅付出,麥當勞餐廳團隊仲特別錄製感謝同鼓勵說話,向佢哋送上Big Thanks。喺短片中可見,麥當勞員工逐一將美食券放入Big Thanks Cards,多謝佢哋以專業精神服務市民。黛安睇到都好感動,希望各位前綫醫護保重身體,同香港人一齊打贏呢場仗。

本文轉載自《晴報

香港麥當勞團隊製作9萬份Big Thanks Cards,向所有醫護人員表達敬意。

醫管局主席范鴻齡(右)致送感謝狀畀香港麥當勞行政總裁黎韋詩(左),感謝麥當勞管理團隊的心意。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版