佛系早餐

副刊版 2020/03/30

分享:

你吃早餐的嗎?你身邊的朋友,有幾多個會早上起床吃早餐?有幾多個寧願多睡十五分鐘,也不願吃早餐?一眾損友實在困在家中太悶,幾乎每天都在群組中尋找新鮮話題,隔空吹水。今次主題是「食早餐」,可想而知,大家有幾悶!

「睇年紀啦!」損友甲第一個在損友吹水群組上反應:「細路仔嘅時候,無得選擇,俾阿媽迫住要食麥皮麵包、白粥腸粉,就算幾好食,食得多都會厭。到大個啲,就成日藉口趕住返學,逃避食屋企嘅早餐;返到學校,又掛住踢波、打籃球,無時間食;再大個啲,有時間都同周公傾偈好過食早餐,瞓覺瞓到黃朝百晏,差啲連午餐都唔想食。」

其實,大家都有差不多的經歷,青春期的我,經常自誇:「我的早餐時間其實等於人家的午餐,我的午餐是人家的晚飯;到了我吃晚飯的時間,已經應該是宵夜時份了。」現在汲取教訓,知道原來放肆地折磨自己的身體,遲早會有報應!後來因為食無定時,狠狠地大病一場,從此再也不敢折磨自己的身體,乖乖的定時吃三餐,再加上後來不少研究報告指出,早上起來吃早餐的人,比不吃早餐的,在一天的工作表現上,有很顯著的分別,就更加不敢怠慢。

「你勸下我個仔、你個細姪,話俾佢聽食早餐嘅好處啦!」好事之徒求我。要年輕人吃早餐,相當佛系,好講緣份,不可強求。

撰文 : 鄭丹瑞

欄名 : 依然快樂

緊貼財經時事新聞分析,讚好hket Facebook 專版