「地球一小時」熄燈讓地球唞唞氣

行政人員版 04:00 2020/03/30

分享:

全球氣候變化問題嚴峻,黛安一向好支持嘅世界自然基金會「地球一小時」活動,上周六(28日)晚已順利舉行;全球有接近160個國家和地區嘅市民、企業及著名地標都參與響應,當晚8點30分起熄咗非必要嘅燈同電器1個鐘,以示對氣候危機同生物多樣性衰退嘅關注同承諾。

今年因疫情關係,香港舉行嘅「地球一小時」由往年尖沙咀海傍戶外活動,改為FB網上直播。香港有近4,500間公司、機構同大廈熄燈支持活動,超過100間中、小學同多個著名地標建築物承諾參與,其中「幻彩詠香江」滙演就暫停一晚;而青馬大橋、國際金融中心同香港文化中心等,當晚亦有響應齊齊熄燈。

世界自然基金會香港分會董事委員會主席何聞達話,簡單如熄燈同減少用即棄塑膠產品,已可幫助地球步向可持續嘅未來,大家要記住喇。

本文轉載自《晴報

香港上周六晚舉行「地球一小時」時多個地標建築物都響應,維港兩岸暫別璀璨。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版