特首快帶頭減人工

副刊版 2020/04/07

分享:

做過老闆的人(我肥碌哎吔算試過),一定知道,極討厭炒人及減薪。前者煩到震,再請要搞到成頭汗。新人重新訓練,又唔知真實表現如何。故此,免得過,無老闆/上司會炒人。後者又如何?員工收開的人工你減去一大截,當然情緒及士氣低落,直接影響服務質素及表現。

故此,正常日子,大家一定寧願「風和日麗」,絕不裁員及減薪。

可惜,世事無常,有時殺到埋身,唔做唔得,否則就攬住死!

近兩月,日日有執笠、減薪、裁員......新聞。減薪,不分高低。高層者,若唔減自己只減下屬,肯定全公司M M聲士氣插水。所以,識做的上層,一定自己先減,再要求下屬減,以示大家「同坐一條船」。

上周到國泰航空 (00293) 宣布,管理層全面減薪。由主席開始到行政總裁等,減薪兩成半至三成。

際此減薪大潮,哈,弊,政府竟公布特首去年加薪,林鄭年薪五百二十一萬,全球第二高!唉,大件事!民心民情怎不躁動?

公務員(小弟做咗三十幾年,當然知)特色,市場嘭嘭聲加人工,你得個睇字。但倒轉,市場冧檔炒人減薪,你則安坐釣魚船無有怕。

這個,大家明。

但,總有非常時期要有非常反應。當年沙士襲港,前特首董建華當機立斷公務員減薪,以示同舟共濟。

今天?情況更惡劣,政府民望更低,若仍不懂火速行動回應社會負面情緒,立即全港公務員由特首及一眾司局長帶頭減薪的話......我肥碌睇,等於自製「炸彈」!

撰文 : 曾智華

欄名 : 肥碌出馬

緊貼財經時事新聞分析,讚好hket Facebook 專版