麥當勞甜品站 優惠價$5享受雙重芒果新地

行政人員版 04:00 2020/06/30

分享:

夏天熱辣辣,芸芸當造水果中,呂宋芒果係黛安最愛之一。公關姊妹即刻有好介紹,由今日(30日)起,麥當勞甜品站再次推出「呂宋芒果」系列,優惠期內只需用優惠價$5,就可以食到雙重芒果(或扭紋)新地,超級抵呀!

麥當勞嘅甜品一向深受大小朋友歡迎,今次麥當勞甜品站再次推出廣受歡迎嘅「呂宋芒果」系列,其中芒果(或扭紋)新地筒/脆皮芒果(或扭紋)新地筒,每一啖都充滿芒果清香,冰涼又解暑!如果選配朱古力脆皮,更可打造甜蜜滋味二重奏。至於雙重芒果新地同芒果麥旋風就配以香濃芒果醬,芒果滋味加倍!與此同時,新地亦備有呍呢嗱扭紋嘅選擇。

麥當勞更推出期間限定驚喜,優惠期內大家可以優惠價$5,就可以享受到雙重芒果(或扭紋)新地啦!今日起早上11時後就有得供應,但留意番優惠價推廣期有限,售完即止;而優惠價亦唔適用於香港山頂廣場及澳門嘅麥當勞甜品站。

本文轉載自《晴報

芒果新地

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版