KFC聯乘紅A 4款經典家品實用又搶眼

行政人員版 04:00 2020/08/10

分享:

經典品牌總是歷久常新,甚至可以發揮神奇聯乘嘅力量。黛安講緊嘅係炸雞快餐連鎖企業KFC,同埋本地知名塑膠品牌「紅A」,因為佢哋最近合作推出咗4款貼近日常生活嘅聯乘產品,包括食物盒、經典迷你凳、咖啡杯及漏斗凳,勾起唔少人嘅集體回憶。

第一階段換購已經開始喇,包括食物盒及經典迷你凳,迷你凳係「紅A」人氣產品之一,加上印有KFC上校頭像,更有收藏價值。而食物盒就當然係「紅A」出品,可放入微波爐及雪櫃,仲可放入洗碗機清洗,非常方便衞生。

第二階段將會喺今個月20日展開,產品包括咖啡杯及漏斗凳,咖啡杯係白色杯身配紅色杯蓋,顏色好搶眼。至於限量發售300件嘅漏斗凳,曾經喺60年代紅極一時,今次以紅白配搭凳面KFC上校頭像,融合KFC同「紅A」兩大品牌嘅經典特色,真係好吸引。公關姊妹仲話,每款產品都附有KFC優惠券及「紅A」9折優惠券,例如食物盒及咖啡杯就包含價值超過$150優惠券,漏斗凳則有超過$400嘅KFC優惠券。

換購方法好簡單,只要喺全綫KFC堂食消費滿$25,即可以換購價帶走你想要嘅經典聯乘系列產品返屋企喇,不過,漏斗凳只限指定11間分店可換購,大家快啲去換購啦。

本文轉載自《晴報

漏斗凳係紅A精選產品,換購價$359。

4款聯乘產品將分2個階段推出,勢掀起一股收藏浪潮。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版