締造黃金商機 惠康同Market Place首辦買手綫上見面會

行政人員版 04:00 2020/08/13

分享:

曾幾何時,香港係全球工業重鎮,「香港製造」4個字可以話係信心保證!雖然時至今日已少咗好多工廠,但唔少新興本地製造品牌仲keep到嗰份精緻同高品質,好多產品仲蘊藏住香港人嘅創意同毅力㖭!黛安知道,惠康超市同Market Place by Jason,喺9月9日將會首次舉辦「本地製造品牌速配超市買手」見面會,同大家分享獨特嘅品牌故事。

黛安向來好欣賞同支持本地製造嘅品牌,今次見面會無論係初創公司定係SME,只要產品係本地製造兼且產品夠獨特又夠突出,就可以參加喇!聽公關姊妹講,到時仲會有超過15位買手,親身透過視像會議同參加嘅商戶直接對話,佢哋可以趁機分享品牌故事同介紹產品嘅特色,雙方都可以抓緊機會交流意見,一齊發掘商機!

合適嘅品牌,仲有機會喺8間惠康同Market Place by Jasons超市嘅「香港製造系列」專區上架,機會真係好難得。相信透過今次見面會,除咗可以帶動本地品牌發展,仲可為雙方帶來更卓越嘅營銷效益,也為市民提供更全面及貼心嘅消費體驗,絕對係一個黃金三贏嘅機遇!

【按此】上網填寫相關資料,即可參加見面會。

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版