港燈憑卓越節能表現 奪「重新校驗(實施階段)慳神大獎」

行政人員版 04:00 2020/09/24

分享:

節約能源,人人有責。黛安知道,港燈最近憑旗下鴨脷洲電燈大樓嘅卓越節能表現,喺環境局及機電工程署共同主辦嘅「慳神重新校驗大比拼2019」,於85座樓宇中脫穎而出,榮獲機構組別「重新校驗(實施階段)慳神大獎」!

公關姊妹話,鴨脷洲電燈大樓落成多年,設備要翻新同提升表現,港燈就趁呢個機會,喺數據中心內唔同伺服器機櫃內加裝智能感應器,透過人工智能系統按照實際情況,調節空調機組內風扇轉速同使用空調機組嘅數量,既提升用電效率,亦減少咗整體能源消耗。

另外,佢哋亦將原有嘅「風冷式」系統升級至較為環保節能嘅「水冷式」系統,當室外環境降至一定溫度,系統會自動改為透過鮮風櫃提供自然冷卻,節省用電,真係好有心機,難怪奪得今次殊榮啦。

本文轉載自《晴報

港燈將大樓的空氣處理機組更換後更節能。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版