Home Square「咖啡‧家‧市集」 咖啡概念融入生活中

行政人員版 04:00 2020/09/25

分享:

飲咖啡已經唔係純粹嘅味道享受,而係一種生活態度。黛安收到風,全港最大一站式家居商場HomeSquare將舉辦「咖啡‧家‧市集」,喺今個星期六(26日)起至10月18日,逢星期六、日同公眾假期,邀請咗20位本地設計手作單位,與時尚家具、餐飲品牌,透過特色市集同藝術工作坊,將創新咖啡概念帶入居家生活嘅衣、食、住、行,黛安已經約好朋友去睇下!

聽公關姊妹講,今次嘅市集充滿特色,利用咖啡循環再用,將咖啡注入生活每個角落,包括以咖啡渣紮染而成嘅飾品服裝、生酮及低碳烘焙麪包鬆餅、以純素及不傷害動物為出發點嘅咖啡、天然食品級材料製作有機咖啡皂、以咖啡作顏料上色嘅紙品擺設及插畫、咖啡豆殼環保咖啡杯等等,讓你身心都同咖啡聯繫起來。

本文轉載自《晴報

今次市集以咖啡藝術及創意生活為主題,同場又有唔少工作坊,十分吸引。

今次市集以咖啡藝術及創意生活為主題,同場又有唔少工作坊,十分吸引。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版