「疫」境自強 香港製造速配超市買手創三贏

行政人員版 04:00 2020/09/28

分享:

面對「疫」境有危亦有機,惡性競爭只會令市場萎縮,識得合作,互助互利,隨時製造雙贏甚至三贏嘅局面。特別係「香港製造」嘅品牌,有創意又有質素,黛安知道,惠康同Market Place早前為本地製造嘅品牌,舉行咗一個「本地製造品牌速配超市買手」綫上見面會,聽講今次反應好踴躍,吸引逾60個本地製造嘅品牌參加,當中包括食物、飲品、糧油雜貨同日用品等,唔少品牌質素都好高。

當日超過15位惠康同Market Place by Jasons嘅買手,聯同參與品牌商戶透過視像,直接喺綫上對話,透過互相交流意見,一齊發掘營商新機遇。希望同香港製造嘅品牌合作,為大家帶嚟更多元化嘅購物享受,疫市創造三贏局面。合適嘅品牌即將喺8間惠康、Market Place by Jasons同Market Place嘅「香港製造系列」上架,包括用20年新會陳皮同意大利西西里檸檬,經過13個鐘天然燉製嘅「仁和號老陳皮冰糖燉檸檬」,最啱入秋潤一潤;仲有承載住三代TVB香港原味道介紹過嘅ONEMOREDISH醬料,佢哋嘅三重香蔥油結合紅頭蔥、京蔥同日本萬能蔥,口感微帶辛辣,用嚟撈麵同煮雞就啱晒!

本文轉載自《晴報

惠康同Market Place早前舉行「本地製造品牌速配超市買手」綫上見面會。

仁和號老陳皮冰糖燉檸檬即將喺8間惠康、Market Place by Jasons同Market Place有得賣喇。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版