中電贈幼稚園防護面罩 助學童加強防疫

行政人員版 04:00 2020/09/29

分享:

唔少學生陸續返學校復課,黛安聽公關姊妹講,中華電力最近向全港近千間幼稚園學童送贈防護面罩,合共20萬個,照顧學童復課後嘅防疫需要。

公關姊妹話,今次中電送贈嘅「超人中中四人組」防護面罩,係由中電教育基金資助,透過幼稚園免費派畀學童。黛安知道,防護面罩採用嘅物料符合歐洲安全標準(FDA及CE),啱晒3歲以上兒童用㗎。每個面罩都有慳電同抗疫貼士,由「超人中中四人組」提醒小朋友同屋企人做好防疫措施,同時要繼續實踐綠色低碳生活。

中華電力企業發展總裁莊偉茵話,中電自疫情開始,一直以唔同形式支援各界抗疫,希望送贈防護面罩嘅小小心意,能協助年幼學童喺復課後防疫。

本文轉載自《晴報

中電企業發展總裁莊偉茵(右一)稱,冀透過派發防護面罩助學童抗疫。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版