浸大辦「全球大學電影獎2020」 入圍作品可網上免費欣賞

行政人員版 04:00 2020/10/23

分享:

唔少人都鍾意睇電影,其實唔止商業電影先高質,唔少大學生作品都好優秀。黛安八卦到,本周末(24至25日)大館將會喺洗衣場石階舉行兩日公眾放映會,放映進入「全球大學電影獎2020」決賽嘅48部作品,大家可以一齊去欣賞呢個「學界奧斯卡」競賽作品!

由香港浸會大學電影學院舉行嘅「全球大學電影獎」嚟到第二屆,旨在鼓勵同發掘新晉大學生電影人,促進國際文化創意交流;集結咗世界各地大學生嘅優秀電影,今年仲有全球104個國家或地區,包括法國、德國、香港、伊朗等地,共有2,503份學生作品參賽,下月6日就會舉行頒獎禮,透過審視作品嘅原創性、創意、電影語言、演出技巧等元素,選出19個獎項。電影學院總監文潔華教授就話,喺今屆參賽作品中,睇到好多才華洋溢嘅年輕電影人有出色嘅敘事技巧同優厚潛質㖭。

此外,下星期一(26日)至11月8日,約150部入圍和決賽作品亦會喺網上畀公眾免費欣賞,有興趣可由即日起於大會網站登記【按此】瀏覽。

本文轉載自《晴報

第二屆「全球大學電影獎」有104個國家或地區參與。

「動畫」組別參賽作品《No Gravity》

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版