領袖要有3條A

副刊版 2020/11/11

分享:

哈佛商業評論早前提及,現世代的領袖要有Agile Leadership(靈巧、敏捷、變通的領導力)之能力。Agile Leadership,易講難做,甚至有企管人/學者以為識講等如識做。我從不喜歡那些學術離地齋理論式空談,僅有好概念並不夠,必須有真實例子將其活現。

近日,終於發現一個很精采的本地實例,活生生而又活潑地示範了甚麼是Agile Leadership:香港賽馬會北角電氣道投注站樓上,原為機構辦公室,但空閣去到「橋王」馬會主席陳南祿手上,也能變成瓊樓,因他又出好蹺:何不把它變成茶餐廳?於是,餐飲+投注的永勝冰室便誕生了。我專程走去看個究竟,冰室有兩個門口,顧客可從投注站裏進入,或可從獨立門口直達冰室。當日,嘗了黑松露炒蛋菠蘿包、金多雲寶黃金和朱古力榛子醬西多士及紅豆冰,食物夠水準,尤其是那杯紅豆冰,又滑又香,童年回憶馬上番晒嚟。

近排社會鮮有新景象,故遇上這個Agile Leadership下造就的大膽新嘗試,眼前確一亮。領袖要做到Agile,必須具備三條A:一、Acumen:敏銳的觸覺和準確的判斷——腦筋唔sharp醒,判斷統統錯方向,如何做領袖?二、Audacity:要有膽識——夠膽孭得起的人,才能大膽和創新;三、Affinity:要有親和力——領袖能親和,才能凝聚精英團隊。有此3A的領袖現已買少見少,陳南祿是稀有的。

見過各式各樣的領袖,有些屬於「多佢一個唔多、少佢一個唔少」,即毫無貢獻、可有可無之流。更有些是「多得佢唔少」,即機構在其領導下,愈搞愈喎、千瘡百孔。而罕有出色者,是「多佢一個多好多」的真領袖,即真正能替機構創造更多價值之人。近年,看過不少本是香港iconic brands(具代表性的機構品牌)之沒落,實感不勝欷歔。

撰文 : 利嘉敏

欄名 : 攻關女子

緊貼財經時事新聞分析,讚好hket Facebook 專版