麥當勞地獄脆辣雞腿包 用韓國勁辣醬挑戰味蕾

行政人員版 04:00 2020/11/23

分享:

麥當勞公關姊妹又有好介紹,今日起「脆辣雞腿包系列」將會回歸,佢哋仲推出咗全新期間限定「地獄脆辣雞腿包」,喺原有嘅激辣雞髀肉上,澆上韓國著名食品品牌不倒翁OTTOGI勁辣醬,話明要辣上加辣,鍾意食辣嘅粉絲一定要去試下。

黛安收到風,佢哋仲準備咗甜、酸口味食品,以增加層次口感,包括配搭咗清新醒胃嘅原片菠蘿及爽脆生菜絲嘅「菠蘿脆辣雞腿包」,口感清新醒胃;仲有微酸帶辣嘅「韓式泡菜調味粉」Shake Shake薯條,同埋採用韓國柚子糖漿加入菠蘿製成嘅「大大杯菠蘿柚子梳打」。

即日起至29日,憑麥當勞App內嘅尊屬優惠券選購以上超值套餐,仲可享減$5優惠;如果想更抵,就要用戶戶送Deliveroo嗌脆辣雞腿包系列,無論單點定套餐,都有獨家5折優惠㖭!

本文轉載自《晴報

麥當勞聯乘韓國品牌不倒翁推出全新「地獄脆辣雞腿包」,大家快啲去試下。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版