雀巢、KIT KAT推Hello Kitty禮盒 加入香港懷舊元素

Hello Kitty聯乘產品多到數唔晒，黛安今次又有好介紹，最近雀巢®KIT KAT®同Sanrio聯乘合作，推出香港獨家Hello Kitty帆布袋及朱古力禮盒，仲加入香港懷舊元素，好值得收藏㗎！

今次系列共有3款產品，分別以大酒樓、茶餐廳及竹棚為設計主題。高16厘米嘅Hello Kitty造型擺設，將分身成為港式點心師傅、茶餐廳伙計或搭棚師傅，帶Fans一齊重溫香港懷舊嘅一面。相應主題嘅精美索繩袋，上面仲畫有燒賣、菠蘿包等本港特色小食，同樣咁得意。

提提各位，產品即日起喺全港7-Eleven獨家發售，KIT KAT®香港特色系列每款售$130.同場另有兩款新口味產品，好似尊貴金裝4指朱古力，同埋尊貴金裝焦糖朱古力及椰子朱古力，記得一齊買嚟試下。

本文轉載自《晴報》