「滙豐永續鄉郊計劃亅獲聯合國嘉許 保護文化遺產

行政人員版 04:00 2020/12/22

分享:

黛安知道幾年前滙豐、港大公民社會與治理研究中心同荔枝窩村,已推出「滙豐永續鄉郊計劃」,旨在推動香港郊區及鄉村嘅可持續發展。聽公關姊妹講,最近計劃獲得聯合國教科文組織(UNESCO)嘉許,獲頒發「亞太區文化遺產保護獎——可持續發展特別貢獻獎」,認真可喜可賀!

姊妹話,茘枝窩位於新界東北,已有400年歷史,擁有6公頃良田,可從事各類農作物耕種,包括以有機農法種植水稻、紅蘿蔔等十幾種農作物。滙豐香港行政總裁施穎茵(Diana)都曾經到訪過,佢話滙豐支持茘枝窩嘅項目,原因係相信有助企業、社區、員工及客戶建立特殊嘅聯繫,加強大眾對可持續發展嘅關注,以及推動可持續創新。Diana仲話,希望疫情過後,可以邀請同事一齊再去茘枝窩,體驗鄉郊活化後嘅新面貌㖭。

本文轉載自《晴報

滙豐獲聯合國教科文組織頒發獎項,嘉許對可持續發展嘅特別貢獻。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版