麥當勞推HERSHEY'S雪糕line 濃郁朱古力犒賞味蕾

行政人員版 04:00 2020/12/29

分享:

冬天凍冰冰,食雪糕先至夠過癮!黛安收到風,麥當勞即將壓軸推出HERSHEY'S朱古力新地甜品系列,鍾意食朱古力嘅朋友,千祈唔好錯過喇!

公關姊妹話畀黛安知,麥當勞去年年底曾經同朱古力品牌HERSHEY'S合作,推出朱古力甜品,當時都好受歡迎。事隔1年,新嘅HERSHEY'S朱古力新地甜品系列,明天(30日)早上11時後,就會限定推出。

今次麥當勞新推3款朱古力雪糕,每款都甜在心頭。先講HERSHEY'S朱古力扭紋新地筒,每啖幼滑嘅新地都充滿着濃郁朱古力香味,啖啖都令人幸福感瞬間滿瀉。至於灑上可口花生嘅HERSHEY'S朱古力新地,花生同香濃朱古力醬堪稱絕配,甜蜜滋味和諧結合,食落真係雙重享受。最後係HERSHEY'S朱古力麥旋風,香滑嘅朱古力新地撒上OREO曲奇碎,多重滋味誘惑,朱古力體驗達至極致!

咁多款雪糕,姊妹們唔知點揀好?黛安建議大家首選HERSHEY'S朱古力新地,事關麥當勞推出期間限定驚喜,優惠期內只需優惠價$6.5就可以歎到,真係超抵食!提提各位,優惠價推廣期有限,售完即止㗎,仲有優惠不適用於香港山頂廣場同澳門麥當勞甜品站。黛安已經約班好姊妹,聽日收工後一齊去麥當勞試新嘢,你哋都快啲行動啦!

本文轉載自《晴報

HERSHEY'S朱古力新地甜品系列於香港及澳門全綫甜品站有售,大家記得試下喇。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版