青衣城益智兒童產品玩具店進駐 親子同樂

相信唔少人手上嘅工作都因疫情持續而停擺，但小朋友嘅成長卻唔會因此而暫停。青衣城最近為咗全方位照顧小朋友成長需要，引入多間親子商戶組合，包括售賣具教育性嘅兒童產品及玩意商店Awesome、專售迪士尼文具精品嘅Day Day Shop等，可親子同樂，假日去選購。

行街行到攰，小朋友難免會扭計。青衣城有多間特色親子主題食店進駐，其中和風芭芙連鎖店，就有小朋友最愛嘅西樹泡芙，有唔同口味，滿足小朋友嘅好奇心。黛安身邊有唔少靚媽姊妹，當然知道同小朋友出街，最麻煩就係陪小朋友上洗手間。青衣城就好貼心，一、二期商場設親子洗手間，有成人、兒童座廁同換片床，陪子女去洗手間時就唔會論論盡盡。育嬰室仲喺換片床上加暖燈，冬天唔怕冷親寶寶，好貼心呀！

本文轉載自《晴報》

▲ Awesome專售益智兒童產品。

▲ 青衣城親子洗手間好大，陪子女去洗手間時超方便。