甲一籃球運動員唱打氣歌 為籃球體壇注入正能量

疫情下，好多體育比賽同訓練都取消咗，黛安聽公關姊妹講，本身係甲一籃球運動員嘅吳嘉軒，最近為咗鼓勵一眾籃球員，同教練等人一齊製作咗打氣歌《We Are the One》，歌詞提到「沿路挫折滿布，戰意更高」、「就算熱情給消耗，仍然同路，憑吶喊抵禦着浪濤」等，單睇歌詞已感受到佢哋對籃球嘅熱愛，句句都充滿毅力同熱情。

呢首打氣歌由鄭汝森編曲及作曲、羅善行做監製，並由吳嘉軒主唱。MV內有好多比賽畫面，見到籃球員打波時嘅英姿，隊友們互相打氣嘅畫面，真係令人好感動。有興趣可【按此】登入睇吓呢首打氣歌。

本文轉載自《晴報》

▲ 由吳嘉軒主唱嘅《We Are the One》，歌詞十分勵志。