聖雅各福群會辦網上VR展覽 重現土瓜灣風景歷史

近年好多地方都進行重建，黛安收到風，聖雅各福群會嘅市區重建社區服務隊上周四展開咗《重「見」重「建」--土瓜灣有個展》嘅網上展覽，以虛擬實境（VR）方式展示區內景色同訪問，展期至下個月7日，上佢哋fb專頁就可以睇到喇！

展覽分為「重建」和「重見」兩部分，透過唔同裝置藝術分享老街坊故事，仲可以睇番昔日嘅天台屋、樓梯舖同車房，以及唔同生活用品。聖雅各福群會話，想用展覽顯示重建社區唔止係法律規條同程序，仲包括好多人嘅故事，希望藉今次展覽鼓勵街坊參與市區重建同發展嘅過程，黛安睇完展覽都獲益良多。

本文轉載自《晴報》

▲ 眾嘉賓於開幕禮合照，左起：馬錦華先生、黃於唱教授、蕭亮聲先生、英姐和馮啟民先生。

▲ 展覽以一比一比例重現土瓜灣特色樓梯舖。圖為財記百貨店。