黑白淡奶義賣微縮模型 捐助香港餐飲聯業慈善基金

行政人員版 04:00 2021/02/02

分享:

講起香港文化,黛安即刻諗起成日飲嘅港式奶茶;而講起奶茶,當然唔少得黑白淡奶。黑白®嘅母公司菲仕蘭香港,首度同本地著名微型藝術家團隊TOMA Miniature合作,製作咗1套5款微縮模型,講述港式奶茶文化嘅淵源。呢套模型唔單止係將奶茶縮細,仲將奶茶杯變成「小小世界」,除咗有人仔「泡」喺奶茶杯中歎茶,仲有由茶杯化身嘅建築物,構建本港特色「霓虹燈招牌」靚景,睇到黛安都好心動,想買番套嚟收藏。

不過,公關姊妹話,首批180套別具玩味嘅微縮模型,早前已獲得本地飲食業界善長認購,所有款項仲會不扣除成本,全數撥捐香港餐飲聯業慈善基金,希望為業界提供適切援助。品牌依家積極籌備緊將微縮模型推出畀市民分批換購,詳情記得留意黛安之後報料喇。

本文轉載自《晴報

將奶茶杯變身香港經典天台霓虹燈場景,令人諗起好多港產片嘅場景。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版