旅發局網上新春市集 逾70個本地品牌參與

行政人員版 04:00 2021/02/09

分享:

黛安收到風,旅發局為咗增添新年節日氣氛,即日起至2月26日(正月十五)會推出「香港春日市集」,一連3星期,有逾70個本地品牌共數百款產品參展,大家即使足不出戶仍可「逛市集」。

市集產品主打本地設計,當中包括售$45一盒、香港保家出品嘅老夫子限量賀年特別版口罩,款式有老夫子單人大頭、大番薯漫畫等,童年回憶番晒嚟呀。市集另一個驚喜就係有「非一般」賀年美食,好似永年士多出品嘅「龍蝦鮑魚花膠大龍鳳盆菜」,售$1,288,用足料龍蝦炮製而成,靚到要相機食先呀。另外,仲有香港四季酒店嘅「賀歲下午茶外賣」等等!

想睇下市集仲有邊啲特色產品,可以【按此】瀏覽。

本文轉載自《晴報

賀年特別版老夫子口罩好罕有。

永年士多出品嘅「龍蝦鮑魚花膠大龍鳳盆菜」。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版