信和集團捐千萬予百個非牟利機構 支援有需要人士

行政人員版 04:00 2021/03/05

分享:

疫情打擊各行各業,好多市民嘅生活都受打擊,但仍有好多有心人為咗令社會變得更美好而努力。黛安聽公關姊妹講,過去多年一直支持本地社區服務嘅信和集團,日前宣布透過「黃廷方慈善基金」,捐款$1,000萬畀本地100個非牟利慈善機構,以及第8屆「香港精神獎」嘅得獎者,感謝佢哋默默貢獻社會。

公關姊妹話,為紀念集團創辦人黃廷方,黃氏家族喺2010年起成立以佢命名嘅慈善基金,自2012年起已捐助超過240個本地非牟利機構嘅慈善工作。集團亦連續第8年參與合辦「香港精神獎」,表揚默默貢獻社會嘅無名英雄。

受惠機構嘅工作範圍包括精神健康、身心復康、兒童及青少年同少數族裔等,集團副主席黃永光話,集團致力協助社會上有需要人士,希望為佢哋提供適切支援、紓緩生活壓力,期望喺疫境下同行走得更遠。

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版