戶戶送擴大食物募捐 餐飲業紛參與

行政人員版 04:00 2021/04/09

分享:

疫情令唔少基層市民三餐溫飽都成問題,黛安知道戶戶送自去年6月起就同樂餉社合作,為基層籌募善款和膳食,最近仲擴大食物募捐活動,邀請唔同嘅餐廳夥伴參與,鼓勵更多人捐贈糧食。

其實自去年6月起,戶戶送嘅顧客已捐出逾$100萬善款,為全港有需要人士提供20萬份膳食。公關姊妹話,擴大計劃後已有多個餐廳夥伴話有興趣參加,其中Beef and Liberty、大戶屋、KNEAD已確認參與喇。大戶屋總經理影山博康話,呢項活動好有意義,希望可以餐飲業嘅身份為社區出一分力。

樂餉社行政總裁Gabrielle Kirstein亦話,感激過去一年顧客嘅支持,合作計劃延伸至戶戶送嘅餐廳夥伴後,希望食物募捐活動可以彌補到剩食未能滿足到食物援助嘅需求,大家亦可以有多一個途徑捐贈白米等糧食。

本文轉載自《晴報

圖片為戶戶送旗下「戶戶小廚」所收集的部分食品捐贈,希望可以幫到更多有需要人士。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版