港鐵展出捲紙藝術品 老友記親手製作

行政人員版 04:00 2021/04/13

分享:

大家讀書時上視藝堂可能都做過捲紙,其實捲紙除咗好玩外,仲可以幫助刺激長者嘅大腦同強化手部訓練。黛安聽公關姊妹講,港鐵由即日起至7月4日,喺上環站同西灣河站嘅「港鐵‧藝術」展區,展出超過100多件由利駿行慈善基金嘅長者會員、佢哋嘅照顧者同義工,一齊親手製作嘅捲紙藝術品。

今次嘅作品主題好廣泛,涵蓋靈巧繽紛兔、手機架、音樂盒、單車同埋餐桌等等實用家品,每一件都非常精美。黛安睇過啲展品,最鍾意嘅作品係懷舊餐桌,連枱上嘅碗、杯、食物都係由捲紙整成,真係超級用心。

大家搭港鐵經過時不妨去睇睇,喺百忙中都可以享受片刻輕鬆,欣賞下各位老友記精心製作嘅作品啊!

本文轉載自《晴報

由老友記親手製作嘅捲紙藝術品於「港鐵‧藝術」展區展出。

由老友記親手製作嘅捲紙藝術品於「港鐵‧藝術」展區展出。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版